طبيب يتعدى على طفل اثناء عملية جراحية بمستشفي " بلبيس "

0 تعليق 117 ارسل طباعة تبليغ

تعدى طبيب جراح بمستشفى بلبيس المركزى، على طفل يبلغ من العمر عام ونصف، بالضرب على وجهه ومختلف أنحاء الجسد، ووجه له سيلًا من الشتائم بسبب العياط أثناء إجراء عملية ختان له، بالإضافة إلى توبيخ الممرضة المساعدة له لمطالبتها الرأفة بالطفل.وقالت الدكتورة «هدى عبدالفتاح»، صيدلى أول بمستشفى بلبيس المركزى، فى تدوينه لها على الفيس بوك «نفسى أفهم يعنى إيه طفل عنده سنة ونص داخل يعمل عملية ختان وطبيعى انه يعيط من خوفه وبعده عن أمه يقوم الدكتور المحترم يشتمه بأهله أفظع شتايم متطلعش من دكتور وينزل ضرب فيه بالأقلام على وشه وعلى جسمه كله» .وتابعت : وعمله العملية كمان من غير بنج ولما الممرضة اللى بتساعد البيه تقوله حرام عليك يا دكتور يشتمها هى كمان وبعدين تاخد حقها وتشتمه وخلاص على كده وتسألت : طب حق الولد ده فين يا ناس من المجرم ده..هو عشان طفل صغير مش هيقدر يدافع عن نفسه او حتى يشتكى لأهله من اللى حصله ف أوضة العمليات نسكت وخلاص..حرام كده والله .وأضافت فى تدوينتها «الممرضة أخدت حقها بس سكتت على ظلم كانت تقدر تدفعه عن الولد كان لازم تكتب شكوى رسمية فى الدكتور للادارة عشان يتحاسب ويتم شكواه لنقابة الأطباء كمان ويتوقف عن دخول العمليات زى ما حصل معاه قبل كده» .وتابعت «إمتى ربنا يرحمنا من الدكاترة اللى معندهاش ضمير دى..كرهتونا فى المستشفى والواحد مبقاش طايق يشوفكم إيه رأيك يا دكتور حسن بصفتك رئيس قسم الجراحة فى المستشفى فى اللى حصل ده DrHassan Salama»  .

Sponsored Links

0 تعليق