بالفيديو: ماذا قال الشاعر ناصر دويدار عن كاتب الأطفال والشاعر عبده الزراع

0 تعليق 166 ارسل طباعة تبليغ

الشاعر ناصر دويدار من أهم شعراء العامية فى جمهورية مصر العربية وله أنشطة كثيرة لخدمة الشعر والأدب واتحاد الكتاب أيضا ، وقال " دويدار" فى كلمته :

الواقع الثقافى المصرى غاية فى السوء ، مش عايزين ندى تمامات زى تمامات 67 -  مشيرا بذلك الى البيانات التى كانت تصدر عن فى حرب 67 والتى كانت تطمئن الشعب مثل الجيش فجر كذا طيارة كذا دبابة وهكذا الى أن كانت النكسة التى هزت مصر كلها – ان كله تمام وكله حلو .. خلينا نواجه نفسنا برجولة خلينا نواجه نفسنا باحترامنا لنفسنا أن الواقع الثقافى فى مصر فى أسوأ الأوضاع ، المسألة بقت زروطة بط..

Sponsored Links

احنا لما نيجى نقول عايزين نقطة نظام علشان نعيد للثقافة شكلها الحقيقى  .. طب أقولكم على حاجة: فيه راجل موظف فى الثقافة عامل 130 كتاب الطفل المعجزة اللى عامل 130 كتاب أغلب أشعاره "البندق طاش رشاش على صدرى" مشيرا بذلك الى ديوان: البندق طاش رشاش علي شعري والذى صدر عام 1996 عن سلسلة إبداعات- قصور الثقافة للشاعر عبده الزراع – وأغلب الكتب بتاعته للأطفال وخد من ده بأه كتير كتير.

طب احنا بأه مش جايين فى الواقع الثقافى طراطير ولا جايين نعمل زى هانى شاكر بحبكوا كلكوا ونمشى ، احنا مقتنعين تمام الاقتناع بأن الرسول الفنان اللى ربنا أعطاه موهبة حقيقية لازم يدافع عنها بقدر موهبته ، وعايز أقول: فى ناس كتير بتكتب شعر ناس كتير جدا ودول على دماغنل من فوق ، ونحترمهم ونقدرهم ، وناس كتير بتعرف تكتب شعر وناس قليلين متجاوزين ، يجب ان احنا مانساويش شاعر ضخم زى محمود درويش بواحد قاعد بيرصلى كلمتين ولا شاعر زى صلاح عبد الصبور ولا شاعر زى أمل دنقل ده ليه قامته وليه احترامه وليه قيمته ويقعد على جنب واحنا نجيبله الميه الساقعة لحد عنده ونحترمه لكن حذارى إنه يتجاوز حدوده ، تجاوز الحدود هنا بأه هوة اللى بيحولنا إلى عربجية ليه ؟ لأن ما ينفعش ، لأن ماينفعش لغة الخطاب تبقه مع واحد واكل حق غيره وبينشر على حساب غيره وبيروح المؤتمرات على حساب غيره وبيتنقل من هنا لهنا على حساب غيره ، كمان عايزنا نعترف بيه ؟ طب ما انته مابتعرفش تكتب ياحبيبى ؟؟؟!!!! انته شغال نبطشى أفراح انته شغال شوبش .. انته شغال صبى عالمة .. انته قيمتك ان انته بنى آدم خلاص هنحترمك .. لكن حذارى ان انته تيجى فى صفوف الشعراء الحقيقيين وتقف ، لا انته على جنب.

لما ييجى بقه تقعد تناقشه .. ويمكن الفيسبوك ده متجر السعادة لنا كلنا بنشوف ملكة جمال دودة القز ..

وهكذا كلمة الشاعر الكبير "ناصر دويدار" كانت طلقة رصاص بالمناسبة للشاعر قصيدة باسم طلقة رصاص ، بالفعل كانت كلمة رائعة من ناحية خدمة الثقافة ومحاولة تنقيتها من المدعين ، ومن ناحية أخرى كانت كلمة لاذعة جدا فى حق الكثيرين وأكثرهم عبده الزراع ، مما دفع بالكثيرين للخروج من القاعة فور الانتهاء من كلمته والانسحاب من التكريم وعلى رأسهم شاعر العامية الكبير الباحث فى الفلكلور ورئيس الهيئة العامة لقصور الثقافة سابقا الشاعر مسعود شومان .

الجدير بالذكر أن "دويدار" كان مرشحا فى 2015 لرئاسة اتحاد كتاب مصر و حينذاك قال كلمة خطيرة فى حق من لن يرشحه للرئاسة ومنها: " بص يا سيدي….أنا مش عايزك تتغير…خليك زي ماانته…وانا حفضل زي ماانا…..بس اتحاد كتاب مصر يستحق مننا الكتير…أنا داخل علي الرياسه…انا مش بتاع عضويه وامانه صندوق وسكرتير…لاءلاءلاء..انا….رئيس اتحاد كتاب مصر اللى جاي إن شاء ربنا..لو مش حتراهن عليا…اني الرئيس ..خللي صوتك في جيبك مدفيك .. وخليك زي كل الانتخابات…تجعر وتهجص وتتكلم مع نفسك وتطلع نفسك البرئ من كل ذنب….انا جاي اكسر الاصنام…وأدعو الجميع..لمجلس اداره جديد….قوي….شجاع…صاحب رأى وقرار..وعنده رجوله المرحله…وكرامه وكبرياء الرسول الفنان..مجلس يغير وش مصر المتعفر الوسخ بفعل الزباله اللي اترمت فوقه من الهتيفه واللومنجيه..ودلاديل السلطه….لو عايز تفضل تعبد الاصنام…خليك…كافر زي ماانته ماتتعبش نفسك…انا كمان مش فاضى اعالجك ولا ادعيك لدين ثقافي جديد…اللي ما يشوفش من الغربال يبقي…..ما اسمعش صوته عن التغيير "

0 تعليق