يعنى ايه كلمه بحبك - / مروة أشرف

0 تعليق 107 ارسل طباعة تبليغ
يعنى ايه كلمه بحبك ؟
لغز يعنى ؟
ولا قلبك مش سامعنى
ولا انا أصبحت عاده من عاداتك
شئ طبيعي ترتبه ويكفى ذاتك
ولا يعني سلسبيل بيبل ريقك عز حر
وأما تشبع يبقي مر
ولا حاله بتوحي فكرة م الخيال
تبقي مثلا شئ بيشبه الابتزال
ولا انا اللى سمعت صوتك مش طبيعي ؟
حبي كان سادد وداني ورافضه ضيعي
طيب ثواني.
عايزة اعرف انت جاني ؟
ولا انا اللى جنيت عليك
لما سيبت القلب لعبه بين ايديك
كنت كل ما تكسرة !
الحمه من شوقي ليك
هو يعني الحب ذنب ؟
ولا حبك هو أكبر ذنب ليا
لما عيشت فصل جوه ف مسرحيه
كنت فكرة انى واخده دور بطوله
والحقيقة دورى كان يشبه شويه
لابتسامه بنت حلوه ف قلب ميه
خايفه تطلع كل شئ يظهر عليا
 
 

0 تعليق