محطة الانتظار قصيدة لمحسن النوبى

0 تعليق 47 ارسل طباعة تبليغ

قلبى مستنى

يحلم يطير

Sponsored Links

يطير فوق

شفايف حلمك ياوطن

ويدور وياك لما تغمض

عنيك المدبوحين قلق

طريقك سكه حديد

وانت الهم شايلك جواه

وماشى

نور باهت بيطل

م وراى عنكبوت

سارح على جسمك

صهد الطريق

ع الوشوش مرسوم

ف محطة الانتظار

عطشان انا

ميتك ياوطن دموع

دم الشهيد

ع الشهد سايل

وطواط بيخنق حلمك

ف الوريد

مد اديك

افتح شباك الخلاص

بالفاتحه وصورة الاخلاص

قلبى لسه مستنى

بيحلم يطير

يطير فوق شفايف حلمك

ياوطن

محسن النوبى قنا

 

0 تعليق