كلا كيت قصيدة لمروة أشرف

0 تعليق 554 ارسل طباعة تبليغ

 

قبل ما تبدأ تلعب دورك

Sponsored Links


شوف جمهورك.....!


شوف كام واحد فوق ع المسرح


خلى الكاميرا تعد ...وتسرح 


خالى الصورة في وضع الزوووووم


أطرح  نصك............


ف كام ألبوم........


افرض مثلا.....


أن البطله معاك موناليزا


حلوة بجد وحاجه لذيذة 


وأن مشاعرك...........


ديما حاضرة........


ديما تقبل أى مبادرة


والمفروض انك كسبان


تقدر تنسى انك أنسان ..؟


جوا ضجيج الرقص مهان


حابس نفسك ف الكواليس 


و بتتزوق باللمعان


تاب على إيدك كام إبليس ؟


تقدر تمنع بحر دموعك ...؟ 


بيروى الأرض بنهر خضوعك


تقدر تنزع منه الروح.........؟


تقدر يعني تعيش مدبوح


قول كلاكيت  .........،


ومنتج دورك........


حاول تقعد مع جمهورك


خلي الصورة تكون لك أوضح


برا المسرح.......


تلقى سيناريو فريد من نوعه


شال الجرح بكل فرووووووعه


تلقى قلوب م الكدب اتقسمت


حتى الحب فقد دستورة


تلقى كتييييير ف عيون مبتسمه 


بس نصبها تموت م البسمه


لما بتطلع غصب  عنها


وهى لا حول الله ولا تسوى 


تلقى أمال اتهد جدورها 


عايشه عشان بتكمل دورها


أصل الحب قدر مكتوب


بس الصبر دا كان أيوب 


وأما فصول الغدر اتحسمت 


فاق القلب وقال هيتوب 


قرر يبدأ مع مشواره


بس خلاص ضاع منه وقاره 


قبل ما تبدأ تانى تعيد


حاول مرة تبص بعيد


شوف كام قلب أداك اخلاصه 


وأنت كسرته ومات احساسه 


ورمات صدقه ف بير حرمان


كل الغدر ف حبك بأن 


حاول تخرج بره الساحة 


خالي الحب يكون ليه مساحه


جوه ف قلبك وابدأ بيه


بقلم /مروة أشرف

0 تعليق