عيش اللحظه" حلمى قاسم

0 تعليق 73 ارسل طباعة تبليغ
 
تقــــدر توصف ايه إحساسك
 
وانت ف غربه بعيد عن ناسك؟
 
عــــايش وحـــــدك فيها غريب
 
ايه احســـــــاسك لمـــا تغيب
 
لما تعيــــش محروم من اهلك
 
و اما مافيش مخلــوق يندهلك
 
قـــــــــــــــــول على مهلك
 
ايه احساسك.....تقدر توصف؟
***
ايه احســـــاسك وانت صغير
 
لمـــــا يضيـــع من ألفك.. باء
 
واما يخاصمك حـرف ...الميم
 
تقدر توصــــف ايه احساسك
 
وإنت يتيم.........؟؟؟؟؟؟
**
ايه احساسك وسط اصحابك
 
وانت حضــورك زى غيابك
 
و مفيش حـــد بيســــــأل فيك
 
دايمــــاً جايه الـــــدنيا عليك
 
حتى الدمعه مصاحبه عنيك
**
عُـمرك دوقت ف يوم حرمان
 
عمرك بت فــ مره جعــــــان
 
او بردان مــــش لاقى لحاف
 
ايه احساسك لــــــو بتخاف
 
وإنت فـ مركب بلا مجـداف
 
ايه احساسك..تقدر توصف؟
**
جرب مره وعيــــش اللحظه
 
فتــــــح عينك ..حلمك يقظه
 
حــــس بكل الناس حـــواليك
 
افتـــــح قلبك مــــــد ايديك
 
ســـــــاعــد طفل يتيــــم الأب
 
املـــى حياتك عطف وحب
 
افتح حضنك .....زيد القرب
***
ربك خلــق الكـــــون علشانك
 
اياك تحـــــرم حـــد حنانك
 
حب وســـــاعـــــد كل الناس
 
عمّر قلبك بالإ‘حســـــــــاس
 
ابدر طيبـــــــه وود وخــير
 
تحصــــــد جنه ماليها مقاس
******
قلم/حلمى قاسم

0 تعليق