السيسى: حمِّلتونى المسؤولية .. وأنا لوحدى مقدرش عليها

0 تعليق 1 ألف ارسل طباعة تبليغ

قال الرئيس عبدالفتاح السيسى ، معلقا على رفض مجلس النواب قانون الخدمة المدنية خلال حضوره مراسم الاحتفال بعيد الشرطة: «لما يُعرض قانون للإصلاح، والنواب ميقروهوش، مفيش مشكلة، لكن خلوا بالكم إنتو بتطالبونى بالإصلاح والتقدم، وضريبة ده مش سهلة، وقبل ما نقول كلمة لازم ندرس كويّس». وأضاف: «مصر عندها ما يقرب من 7 ملايين موظف، ومحتاجة مليون، أمال لو قلت لكم تعالوا نتنازل شوية لأجل خاطر مصر هتقولوا إيه؟». وتابع السيسى: «الدول لا تتقدم بالشعارات والمزايدات، لكن بالعمل والصبر والتضحية، تعالوا نتنازل عشان خاطرها، مصر دى أمانة فى رقبتنا».

وطلب خلال الاحتفالية من الحضور الوقوف دقيقة حداداً على شهداء الشرطة، ودعا ذويهم إلى الالتفاف حوله أثناء كلمته. وقال: «ده صعب علينا كلنا، لازم نقدَّر اللى بيدفعوه ولاد مصر لأجل خاطر مصر، وأهالى الشهداء قالوا لى أثناء تسلمهم وسام التكريم إن ولادهم مش خسارة فى مصر، هما اللى بيشدّوا على إيدى، عرفتوا ليه باقدَّر سيدات مصر؟».

Sponsored Links

وطالب الرئيس الشعب بـ«توخى الحذر وعدم إهدار دم الشهداء الذين ضحوا بأرواحهم لأجل الوطن»، قائلاً: «خلوا بالكم من مصر لأجل خاطر الدم والشهدا اللى راحوا، الناس دى سقطت عشان إحنا نعيش ودمهم لن يضيع».

وأضاف: «استقرار الدول مش لعبة فى إيد حد، كله يخلى باله، وإحنا اتفقنا إننا لازم كلنا نخلى بالنا». ووجّه السيسى رسالة إلى المصريين قائلاً: «حمِّلتونى المسؤولية، وأنا لوحدى مقدرش عليها، هنقدر كلنا مع بعض».

ودعا الشعب التونسى إلى «الحفاظ على بلاده»، تعليقاً على الاحتجاجات التى شهدتها تونس الأيام الماضية بسبب البطالة، وقال: «لا أتدخل فى الشأن الداخلى لأشقائنا فى تونس، لكن بقول للشعب التونسى إن الظروف الاقتصادية صعبة على العالم كله، حافظوا على بلدكم».

0 تعليق