نشوى مصطفى تدعم صابرين بعد خلع الحجاب: «كل واحد حر»

0 تعليق 22 ارسل طباعة تبليغ

اشترك لتصلك أهم الأخبار

علقت الفنانة نشوي مصطفي على صورة الفنانة صابرين بدون حجاب، حيث قالت عبر صفحتها الشخصية على موقع فيس بوك «وبالمناسبة كل واحد حر أنا بحب صابرين، صابرين ممثلة معجونة موهبة غول تمثيل يتخاف منها ويتعمل لها حساب كممثلة نجمة من وهي طفلة».

Sponsored Links

وأضافت: «صابرين أرقى بني آدم ممكن تقابله، جدعة وبنت بلد وكريمة عمرى ماشفتها اتكلمت على حد غير بكل خير، أول مرة اشتغلت معاها كنا لسه في أولى معهد تمثيل وهى كانت نجمة رغم أننا تقريبا من سن واحد، كانت عندها عربية مرسيدس واحنا كلنا كنا معندناش، فكانت بعد ما نخلص الأوردر توصلنا كلنا كل واحد بيته، أو توصلنا المعهد ومفيش مانع بردوا كانت بتعزمنا على ساندوتشات في السكة«.

واستكملت: «تاني مرة اشتغلت معاها كان مسلسل إخراج صديقنا وليد عبدالعال، رغم السنين صابرين هي هي نفس التركيبة الطيبة الراقية، صابرين شالت التربون اللي كانت بتحطه على شعرها، وطبعا اللي واخدين التوكيل ابتدوا يقطعوا وينهشوا فيها وحيقطعوا فيها يومين تلاتة كمان، بس بعد كدة حتطلع حاجة جديدة يفتوا فيها، يا بشر الله واحد والوسطاء يمتنعون، ياصابرين أنا بحبك».

------------------------
الخبر : نشوى مصطفى تدعم صابرين بعد خلع الحجاب: «كل واحد حر» .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : المصرى اليوم

0 تعليق