الارشيف / صحة

انتبهى سيدتى .. فخدة ضاني في الفرن

سيدتى الجميلة:

فخدة ضاني في الفرن المقادير: فخدة ضاني 5 فص ثوم حبات قرنفل فلفل أسود صحيح لعمل التتبيلة: كوب مية بصل 1 و½ كوب عصير طماطم ملعقة صغيرة زعتر ملعقة صغيرة روز ماري ملعقة صغيرة كركم ملعقة صغيرة بهارات ¼ كوب زيت 2 ملعقة خل ملح وفلفل لعمل الحشو: 2 ثمرة بصل 2 ثمرة جزر حزمة كرفس ملح وفلفل زعتر حبهان ½ كوب شوربة الطريقة: 1- افتحي الفخدة من النصف وخرّميها بالسكينة من جوه وبره، واغرزي في الأخرام دي فصوص الثوم والفلفل الصحيح والقرنفل. 2- بعد كده اعملي التتبيلة؛ بإنك تخلطي عصير الطماطم ومية البصل والزيت والملح والفلفل والزعتر والروز ماري والكركم والبهارات والخل. 3- صبّي التتبيلة دي في الفخدة من بره وجوه، ووزّعيها في الفخدة كويس أوي، وحطّيها في التلاجة لمدة ليلة كاملة علشان تتبّل كويس. 4- بعد كده قطّعي البصل والجزر مكعبات كبيرة، واخلطيهم مع بعض وتبّليهم بالملح والفلفل والحبهان والزعتر، وبعدين احشي الفخدة بالخليط ده. 5- لفّي الفخدة بخيط سميك كويس أوي واربطيها، وشوّحيها على جريل أو في صينية فيها شوية زيت، ولفّيها من كل الأجناب لمدة دقيقة على كل جانب. 6- وبعدين قطّعي مجموعة خضراوات تانية (بصل، جزر، كرفس، بطاطس) وحطّيهم في الصينية ومعاهم ورق اللاورا والحبهان والقرفة، وحطّي عليهم الفخدة واسقيها بالشوربة، ودخّليها الفرن على درجة حرارة متوسّطة وسيبيها لمدة نصف ساعة. 7- بعد كده طلّعيها وغطّيها بورق فويل، ودخّليها الفرن مرة كمان لمدة ساعة ونصف، وعلشان تتأكّدي إنها استوت ممكن تدخّلي فيها سكينة، ولو خرجت نضيفة يبقى كده استوت كويس. 8- طلّعيها من الفرن، وفكّي الخيط من عليها وحطيها على طبق التقديم، وقدّميها مع أرز بالخلطة.. بالهنا والشفا.

Sponsored Links

------------------------
الخبر : انتبهى سيدتى .. فخدة ضاني في الفرن .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : مصر اليوم

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا