الارشيف / مقالات

الحياة في جبلاية القرود !! بقلم الكاتب: أنس دنقل

العالم.. قرية صغيرة لاتعيقه حدود اوجيوش او قوانين محلية..علي سبيل المثال احتلال العراق-- كارثة الكورونا حدث مؤقت وعابر-- اخلاقيات البشر المتحضرين يحكمها قوانين حضارة المحبة..الحرية ..المساواة بين البشر ..احترام خصوصيات وعقائد الآخرين بغض النظر عن قناعاتنا الذاتية (إلا في دنيا القرود !! )..
كل نسناس من المتخلفين عقليا..قاعد في حوش بهايمه ..تبنه وبرسيمه قدامه لكن باصص في ماعون طعام اخوه بقرف شديد .. لابس نظارة ميدان معظمة مثبتها علي غرف نوم وسفرة وانتريه الجيران..لاتغفل عينيه عن شاردة او واردة..ناقص يمد ايده جوه ملابسهم الداخليه يفتشها..يفليهم ..جزمهم يفتش الشرابات..يفرض عليهم دينه وأسمه ومايطلبه المستمعون..لو حد قال : بحب اسمع محمد عبدالمطلب..يغزه مطوه بجنبه..لأن البعيد بيحب يسمع محرم فؤاد..
الكارثة..ان معظم تلك التصرفات في بلادنا لاتنبع عن فهم حقيقي لكن رغبة ف الاستعلاء علي الطرف الأضعف كما نتخيل.. لو شعرنا بقوته لنافقناه !!

اتذكر: تم تعيين مسؤول كبير مسيحي باحدي المحافظات البعيدة( غير محافظتنا )..بعض اصحاب المصالح كانوا يتمنوا يدقوا صليب علي قورتهم..يصلوا الجمعة يوم الأحد في الكنيسة ورا ابونا..المشكلة ان صاحبنا ماكنش بيروح الكنيسة .. هذا المسؤول نفاقا لمسؤوليه الأعلي كان ضد مصالح المسيحيين احيانا كثيرة ..في أعياد المسلمين تلاقيه واقف علي باب الجامع جنب مراكيب المصلين يعيد عليهم !!
مجتمعات كاذبة..منافقة..دينهم المصلحة !!!
ثانيا: النظرة الطبقية للاخرين : في العالم المتخلف.. كل إنسان يري الاخر من طرف مناخيره بالذات لو انعدمت المصلحة المباشرة ..كل فرد يري تميزه القبلي والديني والوظيفي والشخصي علي الاخرين حتي داخل اخوته واسرته وجيرانه ( البيت الأبيض ليس من يحكمنا من خلاله مولانا ولي النعم ترامب..لكن داخل العائلات الواحدة ملايين البيوت البيضاء !!)
نموذج البناء الهرمي يحكم العلاقات بين البشر في المجتمعات المتخلفة..السادة في القمة ..العبيد اسفل الهرم بينهما الكهنة والفرسان يتصارعون..فمتي نصبح بشرا.. متساوين في الحقوق والواجبات ..متي؟! متي ؟!

Sponsored Links

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى