اسرار الابراج

- توقعات الأبراج من أسرار الأسبوع تعرَّف على أبراج شخصيات مسلسل كلبش2

تعرَّف على أبراج شخصيات مسلسل كلبش2

كلبش 2 هو مسلسل مصري من إخراج بيتر ميمي وتأليف باهر دويدار وبطولة كلًا من أمير كرارة وهيثم أحمد زكي وهالة فاخر وروجينا ومحمود البزاوي، عرض المسلسل لأول مرة في شهر رمضان 1439 هـ ، ولعل أهم اسباب نجاح المسلسل هو رسائله المميزة وسنعرض لكم 5 رسائل يبعثها المسلسل لنا ، الرسالة الأولى أنه ما بين الداخلية والإرهابيين ثأر بلا رحمة  ، الرسالة الثانية هى أن رجال الشرطة قادرون على اختراق الجماعات الإرهابية الدولية وزرع أعضائها داخلها ، الرسالة الثالثة هى أن لكل ظالم نهاية مهما طال عمره ، الرسالة الرابعة هى أنه داخل وسط المجرمين والقتلة وتجار الأعضاء البشرية «مفيش صاحب يتصاحب»  ، الرسالة الخامسة هى أن الأم المصرية بـ100 راجل وأفضل مثال على ذالك هو شخصية الأم «الثكلى» بمسلسل «كلبش» فى جزئيه والتى قدمتها، باحترافية كبيرة الفنانة القديرة هالة فاخر،

وبعد النجاح القوى الذى حققه الجزء الثانى من مسلسل كلبش تعالوا نتعرف على أبراج شخصيات المسلسل وأبطاله، وهذا بالطبع من خلال تصرفاتهم وطريقة تعاملهم فى الأحداث والمواقف المختلف اللى شهدتها أحداث المسلسل.

Sponsored Links

سليم الأنصارى .. برج الجدى

أهم حاجة فى حياته هى شغله، مش بيستسلم أبدًا وبيحارب بكل قوته علشان يوصل لأهدافه، ده غير أنه «دبش» ومالوش فى تزويق الكلام وترتيبه، بيقول اللى بيجى فى باله كده زى ما هو.

ليلى ..


حظها دايماً وحش فى العلاقات، وعلى الرغم من إنها شايفة وعارفة ده إلا أنها مش بتستسلم، ودايمًا عندها أمل أن الدنيا تضحكلها، بتحب أصحابها ودايمًا بتجرى عليهم أول ما تضايق أو تقع فى أى مشكلة.

عاكف ..

ذكاؤه فوق الحدود، عارف كويس قوى هو بيعمل إيه وبيعرف يخطط كويس قوى علشان يوصل للى هو عايزه، مش بيستسلم ولا بيسمح لحد ينصحه أو يوجهه ويعدل على تصرفاته، عنده ثقة شديدة بنفسه، ومش بيتنازل أبدًا عن أهدافه وبيحارب بكل قوته لحد ما يوصلها.

صلاح الطوخى ..

عنيد جدًّا، ومش بيقتنع بحاجة بسهولة حتى لو كانت واضحة قدَّامه وضوح الشمس، دايمًا شايف أن رأيه وكلامه هو الصح، رزين وعاقل كده فى نفسه، ده غير أنه صبور ومتأنٍّ ومش بيجب الاستعجال، بيحب يقعد يخطط ويتكتك لحد ما يوصل لهدفه.

أدهم ..

واثق جدًّا من نفسه وعارف كويس قوى هو بيعمل إيه، مش بيهمه رأى حد ولا بيسمع كلام حد، محدد أولوياته وبيشتغل دايمًا على نفسه، ومش بيسيب حقه وبيعرف ازاى يخطط علشان يوصله مهما طال الوقت مش بيستسلم ولا بيفقد الأمل.

مصطفى ..

دمه خفيف، وروحه حلوة، طوال الوقت بيهزَّر ويضحك مهما كان حجم المشاكل والبلاوى اللى هو فيها، مقضيها تريقة على خلق الله ومش بيسيب حد فى حاله، يرميلك الكلمة ويسيبك تلف حوالين نفسك وهو قاعد يتفرج عليك ويضحك.

سعيد ..

ضاربها طناش وعايش فى عالم تانى مع نفسه، فاصل نفسه تمامًا عن كل اللى بيحصل حواليه، الدنيا بتتشال وتتهبد حواليه وهو لا هنا، أهم حاجة عنده إنه يعيش مرتاح ومبسوط، ده غير إنه بيعرف يتكيف مع كل الظروف والأحداث ويتأقلم عليها مهما كانت صعبة.

نور ..

الصاحبة اللى فاهمة وعارفة كل حاجة، واللى دايمًا بتواجهك بالحقيقة من غير أى مجاملات، واخدة بالها من كل حاجة بتحصل حواليها وعاملة مش فاهمة ومستنياكى إنتى اللى تيجى تحكيلها، لكن لو حاولتى تخبى عليها هتلاقيها قفشاكى وبتقولك كل اللى إنتى مش عايزة تقوليه من غير ما تفتحى بوقك.

نادية الأنصارى ..

مهما كان عندها مصايب وفوق دماغها مشاكل الدنيا كلها، هتلاقيها مهتمة بنفسها وبمظهرها على أكمل وجه، حتى لو كانت خارجة من تفجير وراقدة فى المستشفى، ده غير إنها دايمًا متفائلة وعندها أمل أن كل حاجة هتبقى أحسن وكل المشاكل مسيرها هتتحل فى يوم من الأيام.

وليد ..

الشخص اللى دايمًا بيدافع عن الحق وبيفترض حسن النية، بيقف جنب أصحابه وبيحاول ينصفهم، بيعرف ازاى يتعامل مع كل الناس باختلاف شخصياتهم وطريقة تفكيرهم ويريحهم كلهم، بيشوف الحياة دايمًا بنظرة إيجابية، بيبص دايمًا لنص الكباية المليان.

حسام ..

حساس ورومانسى جدًّا، مزاجه بيأثر عليه بشكل كبير وبيتحكم فى طريقة تعامله مع المواقف والتفاصيل لدرجة أنه لو مضايق مش بيعرف لا يشتغل ويعمل حاجة فى حياته، عصبى جدًّا، وهجومى أحيانًا كتير، لكنه بمجرد ما بيهدا ومشاكله بتتحل بيرجع يركز تانى ويحاول يصلح كل اللى بوظه.

أبوالعز الجبلاوى ..

متقلب وعنده كذا شخصية، ساعات تلاقيه جاحد وقلبه قوى وعنيف ومش بيفرق معاه حاجة، وساعات تلاقيه قلقان ومتوتر وبيفكر ألف مرة قبل ما ياخد أى قرار أو يتصرف أى تصرف، اللى هو ماتفهمش هو طيب وغلبان ولا شرير.

http://www.arabhaz.com

نشر بتاريخ 04/06/2018

------------------------
الخبر : حظك اليوم - توقعات الأبراج من أسرار الأسبوع تعرَّف على أبراج شخصيات مسلسل كلبش2 .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : ارب حظ

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا