حسام عيسى: «معقول في عصر الرئيس السيسي هنعيش حياة مبارك؟» (فيديو)

0 تعليق 55 ارسل طباعة تبليغ

اعتبر الدكتور حسام عيسى، نائب رئيس الوزراء الأسبق، أن انضمام الجميع لـ«ائتلاف دعم الدولة» في قد ينتج عنه تجريف للحياة السياسية، متسائلًا: «وده معقول في عصر الرئيس السيسي هنعيش حياة مبارك؟».

وأوضح «عيسى»، أثناء حلوله ضيفًا على الإعلامي مجدي الجلاد في برنامجه «لازم نفهم»، على قناة «سي بي سي»: «هي القضية هي إيه؟ أنت بتعترف بالواقع ولا إيه؟ الناس دي، التجمع ده من أجل إيه؟ من أجل تأييد الرئيس السيسي ولا من أجل الدولة؟ أنا لا أفهمه.. كلنا الدولة، إذن فهو لدعم سياسات الرئيس السيسي، يا عم قول كده، إيه المشكلة؟ إيه العيبة اللي فيها؟».

Sponsored Links

وأضاف: «هتقولي حزب وطني، ما الحزب الوطني جه من إيه؟ مش إنه جرّف الباقي، إنه كان بيضغط على الأحزاب ليمنع وجودها، عمل كل شيء عشان يلغي، كان بيزور الانتخابات، فالقضية مش قضية إنك لما بتعمل حزب الرئيس بتدخل الحياة السياسية، لا، إنك بتعمل الحزب ده بما يعني إنك بتلم كل الناس فيه، وتلم ساعات بالقهر، زي ما واحد النهارده بيقول جهات الأمن اتصلت بنا وقالت خشوا الائتلاف، ده شيء رهيب جدًا، معناه إنك هنا بقى بتجرف الحياة السياسية ويبقى مفيش فارق بيننا النهارده وبين مبارك».

واستطرد: «وده معقول في عصر الرئيس السيسي هنعيش حياة مبارك؟».

------------------------
الخبر : حسام عيسى: «معقول في عصر الرئيس السيسي هنعيش حياة مبارك؟» (فيديو) .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : المصرى اليوم - اخبار عاجلة

0 تعليق