أنا حر.. (شعر) أحمد مدين

0 تعليق 32 ارسل طباعة تبليغ

اشترك لتصلك أهم الأخبار

على وجهة حيط..

Sponsored Links

على رملة بحر..

برسم وبقيس الشبر بشبر..

وبكتب أنا بحلم

حلم بسيط..

لو عدّى اليوم أو فات الشهر..

وبلون كل حياتى بضحك

وبعيش فارس من جوا السيرك..

من غير ولا حبل بشيل وبجر..

وماليش مواعيد..

أسهر وأطير كده زى الطير

وأرجع فى الفجر..

وبكون ليا سراب شخصية

أتعلق فيه حتى شوية

وأبين فيا ملامح سر..

وأنا ولا عندى لا سر

ولا بقدر أكون قادر وأتغر

أنا جوايا حر..

ومافيش جوايا مكان متشال

لحسد أو شر..

أنا زى الناس السرحانة

أنا زى دوافع مكبوتة..

لو خرجت بتبات غرقانة

لو فضلت بتموت بالكوتة..

أنا زى البحر..

والشط بتاعى يجيله الموج

ولا يخبط فيا

صخور ولا رمل..

الشط بتاعى نهايته الصبر..

أمشى وبدون علامات بتدل

ألاقى الناس دى وحوش بتغل..

وناس بتقولى طريقك نار

وأنا شايف نفسى طريقى ف ظل..

وبقول أنا حر..

إن صابنى الهم أنا مش هصرخ

ولا بمدح حد ولا أستسمح..

ولا عمرى لا بكدب ولا بجرح

ولا بصدق شهر وأنافق شهر..

ده لأنى أنا حر..

وبقول للدنيا العندية

أنا أهوه على البر..

وأنا رافع عَلَم الحرية

من غير ما بضر..

ولا عارف أمر..

------------------------
الخبر : أنا حر.. (شعر) أحمد مدين .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : المصرى اليوم

0 تعليق